კომპანია ჯიჯიემ გრუპი 2021 წელს დაფუძნდა და ამ მოკლე დროის განმავლობაში მინის ტარისა და შესაფუთი მასალების ერთ-ერთი უმსხვილესი იმპორტიორი გახდა.

ღვინის ბიზნესში დაგროვილი გამოცდილება, ბაზრის პრობლემებისა და მათი მოგვარების გზების ცოდნა გვეხმარება, გავუმარტივოთ საქმე ჩვენს პარტნიორებს და დავეხმაროთ მათ სხვადასხვა პროდუქტის განვითარებაში, იქნება ეს ღვინო, მაღალალკოჰოლური, თუ უალკოჰოლო სასმელები.

ჩვენი მიზანია სწრაფად და მოხერხებულად მოვამარაგოთ ქართველი მწარმოებლები მინის ტარითა და ჩამოსხმისთვის საჭირო მასალებით, მივცეთ მათ შესაძლებლობა კონცენტრირდნენ ყველაზე მნიშვნელოვან ამოცანაზე – შექმნან, დახვეწონ, და განავითარონ თავისი პროდუქტი.